جاء يناير ومعه صفحة جديدة وبدايات مليانة فرص. وش رأيك تخلي هالشهر فرصة تشكر فيها فريقك بطريقة تخلّد في ذاكرتهم؟ الاحتفال بإنجازاتهم وتحفيزهم على البدايات الجديدة هو أفضل وقود لبداية سنة كلها إنجازات!
خذ جولة على أهم مناسبات يناير وكيف تقدر تخليها لحظات مميزة ببطاقات الهدايا الإلكترونية.
ابدأ 2025 بمكافآت تحفّز فريقك وتحمّسهم لبداية سنة جديدة!
بداية السنة الميلادية – 1 يناير
بداية السنة الجديدة فرصة لكل واحد يبدأ بخطط وأهداف جديدة. وأنت كقائد، تقدر تدعمهم وتقول لهم "شكرًا" بطريقة تخليهم يتحمسون لبداية قوية، -خصوصًا- بعد مرور الفريق بملحمة الربع الرابع المعتادة.
قدّم لهم بطاقة هدايا مثل بطاقة السعادة، وخليهم يختارون كيف يحتفلون: سواء بجلسة تسوق يبدؤون فيها العام الجديد بـ'نيو لوك' مميز، أو تجربة مطعم جديد ظل عالقًا في قائمة الأماكن اللي كانوا يتطلعون لتجربتها من 2024، أو حتى نشاط استرخاء يعيد شحن طاقتهم لبداية السنة بكل إيجابية. بطاقة السعادة تضمن لهم حرية اختيار الطريقة اللي تناسبهم للاحتفال ببداية العام.
يوم تنظيف المكتب – 13 يناير (الإثنين الثاني من يناير)
المكتب المرتب = عقل مرتب! هذه فرصة ذهبية تشجّع فيها فريقك يبدءون سنة جديدة بأجواء مرتبة وأفكار واضحة.
مو صدفة أبدًا إن هذا اليوم يأتي مع بداية السنة، لأنه فعلاً الوقت المثالي لبداية منظمة ومنتعشة! تقدر تفعل مسابقة "أرتب مكتب" بين فريقك، والفائز يحصل على هدية بسيطة مثل بطاقة هدايا. البطاقة ممكن يستخدمونها لشراء أدوات مكتبية، منتجات تنظيم، أو حتى كوب قهوة يرافقهم خلال رحلتهم هذه السنة. فكرة بسيطة، لكن تأثيرها كبير على الحماس والإنتاجية.
اليوم العالمي للتعليم – 24 يناير
التعلم والنمو ما يوقف أبدًا، وكل يوم هو فرصة جديدة لإضافة قيمة لحياة فريقك. اليوم العالمي للتعليم هو الوقت المثالي لإظهار دعمك لطموحاتهم وتطويرهم الشخصي والمهني. تقدر تخليهم يحسون إنك تستثمر فيهم فعلاً من خلال هدية بسيطة لكنها مؤثرة: بطاقة هدايا تمنحهم حرية الاختيار. سواء كانوا يحتاجون منصة تعليمية تناسب شغفهم، أو كتاب تطوير ذات يفتح آفاق جديدة لهم، أو دورة تدريبية تعزز مهاراتهم وتضيف لهم قيمة مهنية، البطاقة بتكون خطوة في طريق تحقيق أهدافهم. هذه اللفتة تثبت لهم إنك مؤمن بقدراتهم وتدعم تطلعاتهم، وبهذا تعزز روح الولاء والتعاون داخل الفريق.
يوم الكرواسون – 30 يناير
خلونا نتفق: الكرواسون مع القهوة ممكن يكون المفتاح لتغيير مود أي صباح للأفضل! وش أجمل من صباح شتوي يبدأ بكرواسون طازج مع فنجان قهوة دافي؟ أكيد بيصير يوم فريقك مختلف.
احتفل بهالمناسبة اللذيذة بطريقة سهلة ومميزة: دلّل فريقك ببطاقة هدايا تخليهم يختارون مخبوزاتهم المفضلة. بطاقة هدايا متعددة العلامات التجارية تشمل مخابز ومقاهي محلية معروفة تضمن لهم تجربة لذيذة تناسب ذوقهم. ولإضافة لمسة أكثر تميزًا، استخدم خاصية المكافآت الصغيرة على منصة YOUReward، وقدم لهم كوب قهوة مع كرواسون. الفكرة بسيطة لكن تأثيرها كبير، تعزز الإيجابية وتخلق أجواء مليانة حماس. بهذه اللفتة، أنت مو بس ترفع معنوياتهم، بل تترك بصمة رائعة تدوم طوال اليوم!
بطاقة السعادة – مكافأة تناسب كل المناسبات
لو تدور على هدية تناسب كل شخص وكل مناسبة، بطاقة السعادة هي الحل! البطاقة تعطي فريقك حرية اختيار اللي يناسبهم من أكثر من 1000 علامة تجارية منتشرة بالمنطقة، يعني كل شخص يقدر يحتفل بطريقته الخاصة ويعيش التجربة اللي يحبها.
مهما كانت المناسبة، سواء بداية السنة، ترتيب المكتب، أو حتى يوم الكرواسون العالمي، بطاقة السعادة تضمن إن فريقك يحس بالتقدير ويبدأ الشهر بحماس. بطاقة واحدة توصل رسالة واضحة: "قدركم كبير وجهودكم محل اعتزاز".
جاهز تطلق برنامج مكافآت يخلي فريقك يتحمس؟ تواصل معنا اليوم وخلنا نبدأ!
